NJEGOŠ – VJEČNA LUČA
U tamnoj noći svjetlost sine
kroz vječne prostore tajanstvene.
Od samog praska svemir gine,
al’ luča spozna samo besmrtne.
Nebom plove Njegoševe misli,
kroz bezdane uma, kroz vječnost sna.
Vječna luča visoko svijetli
ko najljepša zvijezda što za svjetlost zna.
U duši čovjek nosi borbe životne
protiv ništavila, protiv zla i smrti.
A luča gori i kad sve zgasne,
vodi ka istini, vodi ka vječnosti.
Nestane tijelo, a duša se diže
u visine gdje svjetlost blista.
Njegoš pravo tamo stiže,
vječna naša LUČA na nebu zablista.
Lea Batinić,
OŠ “Njegoš”, Cetinje
Mentor: Vesna Đukanović
Аутор: Steve Moses – Kotor, MontenegroUploaded by BokicaK, CC BY 2.0, https://commons.wikimedia.org/w/index.php?curid=15927161
